اقوام متحدہ کی سلامتی کونسل کمیٹی نے آئندہ مہینے امریکی صدر ڈونلڈ ٹرمپ اور کم جونگ ان کے درمیان سربراہ ملاقات کےلئے سنگاپور جانے والے شمالی کوریا کے حکام پر سفری پابندی ختم کرنے پر اتفاق کیا ہے۔

 اقوام متحدہ میں سنگاپور کے سفیر برہان غفور نے کمیٹی کو مراسلہ بھیجا ہے کہ سربراہ اجلاس سے ڈیمو کریٹک پیپلز ریپبلک آف کوریا کے ایٹمی مسئلے کے پرامن حل کے مقصد کو آگے بڑھانے اور جزیرہ نما کوریا اور خطے میں امن و استحکام کے قیام کا موقع ملے گا۔

اس سے پہلے صدر ٹرمپ نے صحافیوں کو بتایا کہ سربراہ اجلاس کے بارے میں فیصلہ آئندہ ہفتے ہوگا کیونکہ ملاقات کی تیاری کے لئے ان کے نمائندے سنگاپور جائیں گے اور ملاقات کےلئے بعض  اہم  شرائط پیش کریں گے۔