خیبرپختونخوا حکومت نے صوبے میں صحت افزا ماحول کو محفوظ بنانے کے لئے صفائی ستھرائی کی پالیسی کا مسودہ تیار کیا ہے۔
صوبائی محکمہ صحت کے ترجمان نے ریڈیو پاکستان پشاور کے نمائندے کو بتایا کہ اس پالیسی کے تحت بلدیاتی حکومتوں کے تیس فیصد فنڈز صفائی ستھرائی اور عوام کے لئے حفظان صحت کی سہولتوں پر خرچ کئے جائیں گے۔
صفائی ستھرائی مہم کی نگرانی کے لئے تحصیل، ضلع اور دیہات کی سطح پر کارکردگی کو جانچنے کا کمپیوٹر ائزڈ نظام نصب کیا جائے گا۔
بلدیہ اور ہسپتال کے فضلے کو مناسب انداز میں ٹھکانے لگانا بھی اس صفائی ستھرائی پالیسی کا حصہ ہے۔