پاکستان اور سری لنکا نےعلاقائی روابط کو فروغ دینے کیلئے سارک تنظیم کو مزید فعال بنانے پر زور دیتے ہوئےتمام علاقائی اورعالمی فورموں پر باہمی تعاون کے عزم کا اعادہ کیا ہے۔یہ اتفاق رائے آج کولمبو میں وزیر خارجہ شاہ محمود قریشی اور ان کے سری لنکا کے ہم منصب ڈنیش گوناوردنا( DINESH GUNA WARDENA )کے درمیان ملاقات میں طے پایا۔ملاقات میں دوطرفہ تعلقات، مختلف شعبوں میں باہمی تعاون کے فروغ اور علاقائی اور بین الاقوامی اہمیت کے امور پر بھی تبادلہ خیال کیا گیا۔شاہ محمود قریشی نے کہا کہ گوادر بندرگاہ اور سری لنکا کی بندر گاہوں کے درمیان رابطے بڑھنے سے وسط ایشیائی ملکوں کے تجارتی مراکز تک آسان رسائی میسر آئے گی۔