خیبرپختونخواہ کے محکمہ سیاحت نے سیاحتی مقامات سے متعلق معلومات کے حصول کیلئے اپنی پہلی سیاحتی ہیلپ لائن 1422 کا آغاز کیا ہے۔
سیاحتی سہولت مرکز کے عنوان سے شروع کی گئی ہیلپ لائن فی الوقت آزمائشی بنیادوں پر چلائی جارہی ہے۔ ہیلپ لائن سیاحوں کو سیاحتی مقامات کی تلاش، موسم کی صورتحال، قریبی پر کشش سیاحتی مقامات اور وہاں موجود سہولیات، ٹریفک کی معلومات اور ہنگامی صورتحال میں ردعمل کے بارے میں معلومات فراہم کرے گی۔