اسلام آباد ہائی کورٹ کے حکم کی روشنی میں وزیر داخلہ محسن نقوی نے پی ٹی آئی چیئرمین بیرسٹر گوہر علی خان سے رابطہ کیا۔

انہوں نے موجودہ صورتحال پر تفصیلی تبادلہ خیال کیا۔

محسن نقوی نے بیرسٹر گوہر کو اسلام آباد ہائی کورٹ کے حکم نامے کے بعد کی صورتحال سے آگاہ کیا۔

انہوں نے کہا کہ ہم ہائی کورٹ کے حکم کے پابند ہیں اور کسی بھی جلوس، دھرنے یا ریلی کی اجازت نہیں دے سکتے۔

وزیر داخلہ نے بیرسٹر گوہر کو 24 سے 27 نومبر تک بیلاروس کے صدر کی قیادت میں 80 رکنی اعلی سطحی وفد کی مصروفیات کے بارے میں بھی آگاہ کیا۔

انہوں نے کہا کہ بیلاروسی صدر پیر کو پاکستان پہنچیں گے اور وفد بدھ تک اسلام آباد میں رہے گا۔

بیرسٹر گوہر نے کہا کہ وہ پارٹی مشاورت کے بعد وزیر داخلہ کو حتمی ردعمل سے آگاہ کریں گے۔