وزیردفاع خواجہ محمد آصف نے سیالکوٹ میں انفارمیشن ٹیکنالوجی پارک کے قیام کا اعلان کیا ہے۔
وہ آج(ہفتہ) سیالکوٹ میں جاری ترقیاتی منصوبوں کیلئے جائزہ اجلاس کی صدارت کررہے تھے۔
خواجہ محمد آصف نے کہا کہ وزیرمملکت آئی ٹی وٹیلی کمیونیکیشن شزہ فاطمہ منصوبے پر تبادلہ خیال کیلئے سیالکوٹ کا دورہ کریں گی۔
انہوں نے کہا کہ سیالکوٹ کھاریاں موٹروے 2025 تک فعال ہوجائے گی اور لاہور سیالکوٹ موٹروے کو تین لین کیا جائے گا۔
