سیاسی امور کے بارے میں وزیراعظم کے مشیر نعیم الحق نے کہا ہے کہ حکومت نے یوٹیلٹی سٹورز کارپوریشن کے ملازمین کے تمام مطالبات منظور کرلیے ہیں۔
منگل کے روز جاری ایک بیان میں انہوں نے کہا کہ پاکستان مسلم لیگ نون اور پاکستان پیپلز پارٹی کے بعض عناصر یوٹیلٹی سٹورز کارپوریشن کے ملازمین کو احتجاج پر اکسا رہے ہیں کیونکہ ان دونوں جماعتوں نے اپنے دوراقتدار کے دوران بدعنوانی کا ارتکاب کیا۔نعیم الحق نے کہا کہ حکومت ملازمین کے حقوق کا زیادہ سے زیادہ تحفظ کرے گی۔