اسلامی تعاون تنظیم نے اسرائیلی افواج کی طرف سے القدس کے علاقے وادی حمص میں درجنوں مکانات منہدم کرنے کی شدید مذمت کی ہے۔او آئی سی کے سیکرٹری جنرل ڈاکٹر یوسف بن احمدالعشیمین نے کہاہے کہ اسرائیل کی یہ ظالمانہ کارروائی القدس کی مسلم اکثریت کواقلیت میں تبدیل کرنے اوراسرائیلی تسلط قائم کرنے کی کوششوں کاحصہ ہے۔سیکرٹری جنرل نے عالمی برادری پرزوردیاہے کہ وہ اسرائیل کی غیرقانونی کارروائیوں کا سلسلہ ترک کرتے ہوئے فلسطینیوں کے حقوق کی خلاف ورزیاں بندکرے۔ادھردنیا کے کئی ممالک اور تنظیموں نے بھی القدس کے نواحی علاقے میں فلسطینیوں کے گھروںکو منہدم کرنے کی اسرائیلی افواج کی کوششوں کی شدیدمذمت کی ہے۔