برطانیہ نے کہاہے کہ  سٹینا امپیرو  نامی بحری جہاز کو بے بنیاد اور غیرقانونی طورپر قبضے میں لیاگیا اور ایران کو فوری طور پر جہاز اور اس کے عملے کو چھوڑ دینا چاہیے۔

 وزیراعظم تھریسامے کے ترجمان نے صحافیوں کو بتایا کہ ہم ایران سے محاذ آرائی نہیں چاہتے تاہم بین الاقوامی طور پر تسلیم شدہ سمندری راستوں میں جانے والے بحری جہاز کو قبضے میں لینا ناقابل قبول ہے جس سے کشیدگی بڑھے گی۔

کابینہ آفس کے بریفنگ رومز کی ایمر جنسی رسپانس کمیٹی کے اجلاس کے بعد ترجمان نے کہاکہ اجلاس میں تجارتی جہاز رانی کی نگرانی کے نظام کو مزید مستحکم بنانے پر غور کیا گیا۔