ترکی نے ایران سے تیل درآمد کرنے والے ملکوں کےلئے پابندیوں سے استثنیٰ کے خاتمے کےلئے امریکی فیصلے پر سخت تنقید کی ہے۔
وزیر خارجہ Mevlut Cavusoglu نے ایک ٹویٹ میں کہا ہے کہ اس فیصلے سے خطے میں امن و استحکام کے قیام میں کوئی مدد نہیں ملے گی بلکہ اس سے ایران کے عوام کو نقصان پہنچے گا۔
انہوں نےکہا کہ ترکی یکطرفہ پابندیوں کا نفاذ مسترد کرتا ہے۔
اس سے پہلے وائٹ ہاوس نے ایرا ن سے تیل درآمد کرنے والے ملکوں پرعائد موجودہ پابندیوں کی مدت ختم ہونے پر کسی بھی ملک کو اس پابندیوں سے استثنیٰ نہ دینے کے اپنے فیصلے کااعلان کیا تھا۔
