قطر کے وزیرخارجہ کے خصوصی نمائندے ڈاکٹر مطلق بن ماجد Al-Qahtani نے راولپنڈی میں بری فوج کے سربراہ جنرل قمرجاویدباجوہ سے بھی ملاقات کی۔
فوج کے شعبہ تعلقات عامہ کے مطابق ملاقات میں آئی ایس آئی کے ڈائریکٹر جنرل بھی موجودتھے۔انہوں نے باہمی دلچسپی کے امور، علاقائی سلامتی کی صورتحال ،مختلف شعبوں میں تعاون اورافغانستان میں مصالحتی عمل میں سہولت سے متعلق تبادلہ خیال کیا۔بری فوج کے سربراہ نے کہاکہ دونوں ممالک شاندار،تاریخی، خوشگواراوربھائی چارے کے جذبے سے سرشارتعلقات ہیں جو ایک پائیدارشراکت داری میں بدل چکے ہیں۔معززمہمان نے خطے میں امن واستحکام کے لئے پاکستان کی مسلسل کوششوں کو سراہا اور دونوں ملکوں کے درمیان بہترتعلقات کے لئے مل کرکام کرنے کااعادہ کیا۔