قومی سہ فریقی ٹی ٹوئنٹی خواتین چیمپئین شپ آج 22 نومبر سے شروع ہورہی ہے
نیشنل ویمنز ٹرائنگولر ٹی ٹوئنٹی کرکٹ چیمپیئن شپ 22 نومبر سے پنڈی کرکٹ اسٹیڈئیم راولپنڈی میں شروع ہورہی ہے، ایونٹ کا فائنل یکم دسمبر کو کھیلا جائے گا
ٹورنامنٹ میں کل 42 خواتین کرکٹرز شرکت کررہی ہیں، ایونٹ میں سترہ لاکھ روپے کے انعامات تقسیم کئے جائیں گے
دس روزہ ٹورنامنٹ میں پی سی بی بلاسٹرز، پی سی بی چیلنجرز اور پی سی بی ڈائنا مائٹس کی ٹیمیں شرکت کریں گی، ڈبل لیگ کی بنیاد پر کھیلے جانے والے ایونٹ میں 2 ٹاپ ٹیمیں یکم دسمبر کو پوائنٹس کی بنیاد پر فائنل میں مدمقابل آئیں گی۔
یہ چیمپئین شپ قومی خواتین کرکٹ کے معیار میں مزیدی بہتری لانے کے لئے معاون ثابت ہوگی۔ پاکستان کرکٹ بورڈ نے سات میچز پر مشتمل اس ٹورنامنٹ کولائیو سٹریم کرنے کا فیصلہ کیا ہے۔