عالمی ادارہ صحت نے محکمہ صحت پنجاب کو صحت کے شعبے میں انسانی وسائل کی ترقی کے لئے تکنیکی تعاون کی پیشکش کی ہے۔یہ پیشکش عالمی ادارہ صحت کے وفد نے پنجاب کی وزیرصحت ڈاکٹریاسمین راشد کو لاہور میں کی۔ڈاکٹریاسمین راشد نے وفد کوبتایا کہ پنجاب کی حکومت صحت کی معیاری سہولتوں کی فراہمی کیلئے ماہرجنرل فزیشنز کی خدمات حاصل کرنے سمیت حفظان صحت کے بنیادی نظام میں بہتری لانے پرتوجہ دے رہی ہے۔انہوں نے کہاکہ زچہ بچہ کی صحت ،خاندانی منصوبہ بندی اورغذائیت کے موثرنظام پرعملدرآمد حکومت کی اولین ترجیحات میں شامل ہے۔