مقبوضہ کشمیر کے ضلع شوپیاں میں پرامن احتجاج کرنے والوں پر بھارتی فوج اور پولیس کی طرف سے طاقت کے وحشیانہ استعمال کے نتیجے میں متعدد افراد زخمی ہوگئے ہیں۔
مقامی لوگوں نے ذرائع ابلاغ کو بتایا کہ بھارتی فوج ، پولیس اور نیم فوجی دستوں پرمشتمل مشترکہ ٹیم نے صبح سویرے علاقے کومحاصرے میں لیکر گھر گھر تلاشی کی۔
شہری گلیوں میں نکل آئے اور آپریشن کے خلاف زبردست احتجاجی مظاہرہ کیا ۔
پولیس اور فوج نے مظاہرین کو منتشرکرنے کیلئے آنسوگیس کے گولے اور چھرے والی بندوقیں چلائیں جس سے مظاہرین اور اہلکاروں کے درمیان جھڑپیں ہوئیں ۔