پنجاب کے وزیراعلی سردارعثمان خان بزدار نے کہا ہے کہ صوبائی حکومت پسماندہ علاقوں کیلئے منصوبوں کی تکمیل پرخصوصی توجہ دے رہی ہے ۔
وہ آج لاہور میں ڈیرہ غازی خان سے تعلق رکھنے والے عمائدین کے ایک وفد سے گفتگو کررہے تھے ۔
وزیراعلی نے کہاکہ پاکستان تحریک انصاف کی حکومت تمام پسماندہ علاقوں کی تقدیر بدلنے کیلئے مکمل طورپر پرعزم ہے ۔
انہوں نے کہاکہ جنوبی پنجاب کو ایک نیا صوبہ بنایا جائے گا اوراس سلسلے میں اعلی سطح کی ایک کمیٹی تشکیل دے دی گئی ہے ۔