مواصلات کے وزیر مراد سعید نے سوات موٹروے کو کالام تک توسیع دینے کا اعلان کیا ہے۔
ایک ویڈیو پیغام میں انہوں نے کہا کہ یہ منصوبہ خیبرپختونخوا کی حکومت کے تعاون سے مکمل کیا جائے گا۔
انہوں نے کہا کہ اس کا بات کا سہرا خیبرپختونخوا کے سر ہے جس نے اپنے وسائل سے سوات موٹروے کا منصوبہ مکمل کیا ہے۔
مراد سعید نے کہا کہ موجودہ حکومت کی طرف سے متعارف کرائی گئی اصلاحات کے نتیجے میں شاہراہوں کے قومی ادارے کی آمدن میں اضافہ ہوا ہے۔ انہوں نے کہا کہ شاہراہوں کا قومی ادارہ سڑکوں کی حالت بہتر بنانے کےلئے کام کررہا ہے۔