ناران بابو سر چلاس شاہراہ منگل سے بڑی گاڑیوں کی آمدورفت کیلئے کھول دی جائے گی۔دیامر انتظامیہ نے کسی بھی ناخوشگوار واقعے سے بچنے کیلئے حفاظتی اقدام کے طورپر شاہراہ پر بڑی گاڑیوں کی آمدورفت پر پابندی عائد کی تھی۔ادھر گلگت بلتستان کے انسپکٹر جنرل پولیس ثناء اﷲ عباسی نے بابوسر کا دورہ کیا اورپولیس اور سیاحتی فورس کی طرف سے اختیار کئے گئے سیکورٹی اقدامات کاجائزہ لیا ۔انہوں نے کہاکہ سیاحتی فورس اور پولیس سیاحت کے فروغ میں اہم کردارادا کررہی ہے۔