پنجاب کے وزیر زراعت ملک نعمان احمد لنگڑیال نے کہا ہے کہ حکومت مقامی سطح پر زرعی مصنوعات کی تیاری کیلئے متعدد اقدامات کررہی ہے ۔یہ بات انہوں نے آج لاہور میں پنجاب زرعی نمائش 2019ء کے افتتاح کے بعد صحافیوں سے گفتگو کرتے ہوئے کہی ۔انہوں نے کہاکہ نمائش کا مقصد تمام متعلقہ محکموں اور شخصیات کے درمیان روابط کو فروغ دینا ہے۔صوبائی وزیر نے کہاکہ اب تک چھ لاکھ کسانوں کو پانچ ارب روپے مالیت کا بلاسود قرض دیاگیا ہے ۔انہوں نے کہاکہ حکومت لاگت کم کرنے کیلئے فاسفورس اور پوٹاش کھادوں کی قیمتوں میں بھی اعانت دے رہی ہے۔