چین پاکستان سمیت مزید ممالک کو ایک خطہ ایک اور سڑک منصوبے کے ساتھ اپنے فنگیون موسمیاتی سٹیلائٹ کے ذریعے قدرتی آفات سے بچائو کیلئے اعداد و شمار تک رسائی کی سہولت فراہم کرے گا۔

بیجنگ میں چین کے سیٹلائٹ میٹرو لو جیکل سنٹر کے ایک سینئر عہدیدار نے بتایا کہ یہ سہولت81 ممالک کے سروے کے نتائج پر مبنی ہونگی۔ انہوں نے کہا کہ اپریل کے اختتام تک بائیس ممالک جن میں افغانستان، پاکستان، ایران،روس، لیبیا اور سوڈان شامل ہیں نے سروے میں اپنی رائے دی تھی اورموسمیاتی پیشگوئی کیلئے اپیلیکشن سافٹ ویئر پلیٹ فارم انسٹال کرنے کیلئے اپنی آمادگی ظاہر کی تھی۔یہ بات قابل ذکر ہے ایک خطہ ایک سڑک منصوبے کے ساتھ واقع ممالک میں انتہائی اونچے پہاڑ، صحرا، سمندر واقع ہونے کے سبب انہیں موسمیاتی معلومات تک مناسب رسائی حاصل نہیں ہے۔