الیکشن کمیشن کے ترجمان چوہدری ندیم قاسم نے کہا ہے کہ صدر کی طرف سے انتخابات کے لئے تاریخ کے اعلان کے بعدہی الیکشن کمیشن آئندہ عام انتخابات 2018 کے لئے اپنا شیڈول مرتب کرے گا۔
آج ریڈیو پاکستان کے خبروں اور حالات حاضرہ کے چینل کو انٹرویو میں انہوں نے کہا کہ الیکشن کمیشن نے حالیہ مردم شماری کے مطابق نئی حلقہ بندیوں کا کام مکمل کرلیا ہے جبکہ عام انتخابات 2018 کےلئے انتخابی فہرستیں بھی تیار کر لی گئی ہیں۔
ترجمان نے کہا کہ الیکشن کمیشن نے اپنی قانونی اور آئینی ذمہ داریاں پوری کرتے ہوئے انتخابات 2018 کے انعقاد کی تیاریاں مکمل کرلی ہیں۔