مقبوضہ کشمیر میں کل جماعتی حریت کانفرنس کے چیئرمین سید علی گیلانی نے بھارتی فورسز کی جانب سے بے گناہ کشمیری نوجوانوں کے خلاف تازہ کارروائیوں اور رات کے وقت چھاپوں پر گہری تشویش کااظہار کیا ہے۔
سری نگر میں ایک بیان میں انہوں نے کہا کہ کشمیری نوجوانوں کو گرفتار کیا جارہا ہے اور انہیں شدید تشدد کا نشانہ بنایا جارہا ہے۔
نیشنل انوسٹی گیشن ایجنسی کی جانب سے سید صلاح الدین گیلانی کے بیٹے شاہد یوسف کے خلاف فرد جرم عائد کرنے کے عمل کی مذمت کرتے ہوئے انہوں نے کہاکہ انہیں کشمیری مجاہد ہونے کی سزا دی جارہی ہے اوران پر جھوٹے مقدمات قائم کئے جارہے ہیں۔
انہوں نے کہا کہ بھارت کے غیر اصولی اقدامات ہمار ے عظیم مقصد کو روک روک نہیں سکتے۔
