مقبوضہ کشمیر میں بھارتی فوجیوں نے ریاستی دہشت گردی کی نئی کارروائی میں آج سوپور میں ایک اور نوجوان کو شہید کردیا۔
بھارتی فوجیوں نے اس نوجوان کو قصبے کے علاقہ وارپورہ میں محاصرے اور تلاشی کی کارروائی کے دوران شہید کیا۔
ادھر قابض حکام نے سوپور میں پابندیاں عائد کرتے ہوئے موبائل انٹرنیٹ سروس معطل کردی ہے۔
دوسری جانب ضلع پونچھ میں بھارتی سرحدی سکیورٹی فورس کے ایک افسر نے خودکشی کرلی۔
اس واقعہ کے بعد جنوری2007 کے بعد سے مقبوضہ کشمیر میں خودکشی کرنے والے بھارتی فوجیوں اور پولیس اہلکاروں کی تعداد بڑھ کر423 ہوگئی ہے۔