فائل فوٹو
امریکہ اورترکی نے باہمی مفاد میں شام سے امریکی فوج کے انخلاء پراتفاق کیاہے۔
امریکی صدرڈونلڈٹرمپ اور اُن کے ترک ہم منصب رجب طیب اردوان میں یہ اتفاق رائے ٹیلی فون پر بات چیت کے دوران ہوا۔
اس سے پہلے ترکی کے صدراردوان نے کہاتھا کہ صدرٹرمپ کے شام سے تمام دوہزارامریکی فوجیوں کے انخلاء کے منصوبے سے غیریقینی صورتحال برقراررہے گی۔
گفتگوکے دوران فریقین نے دونوں ملکوں کے درمیان تعلقات کے فروغ اوردوطرفہ اقتصادی تعلقات میں بہتری پربھی اتفاق کیا۔
ادھرامریکہ نے شا م سے اپنی فوج کے انخلاء کے بعداپنے دوسوفوجی امن فوج کے طورپر مختصرمدت کے لئے شام میں رکھنے کااعلان کیاہے۔
یہ اعلان وائٹ ہائوس کی ترجمان ساراسینڈرز نے صدرٹرمپ اور ان کے ترکی کے ہم منصب طیب اردوان کی فون پربات چیت کے بعدایک بیان میں کیا۔