وزیر دفاع خرم دستگیر نے کہا ہے کہ پاکستان سعودی عرب اور ایران کے ساتھ اپنے تاریخی تعلقات کو انتہائی اہمیت دیتا ہے۔
جمعرات کو اسلام آباد میں ایک سیمینار سے خطاب کرتے ہوئے انہوں نے واضح کیا کہ پاکستان کے سعودی عرب اور ایران کے ساتھ تعلقات مختلف نوعیت کے ہیں۔
انہوں نے کہاکہ پاکستان کے سعودی عرب کے ساتھ دفاعی اور معاشی تعلقات انتہائی مضبوط ہیں جبکہ ہم ایران کے ساتھ دہشت گردی کے خاتمے کی کوششوں میں تعاون کررہے ہیں۔
انہوں نے کہاکہ گوادر او ر ایران کی Chabahar بندرگاہ علاقائی ترقی میں اہم کردار ادا کرسکتی ہیں۔
وزیر دفاع نے کہاکہ پاکستان اپنے ہمسایہ ملکوں سے اچھے تعلقات کا خواہاں ہے۔