اقوام متحدہ کی سلامتی کونسل جمعرات کے روز ایک قرارداد کے مسودے پررائے شماری کرائے گی جس کامقصد شام کے مشرقی علاقے غوتہ میں انسانی ہمدردی کی بنیاد پرامداد کی فراہمی یقینی بنانے کی غرض سے تیس روز کیلئے جنگ بندی کرانے کی راہ ہموار کرناہے۔
سویڈن اور کویت نے قرارداد کامسودہ تیار کیاہے جس میں اس بارے میں رائے شماری کرانے کی درخواست کی گئی ہے۔یہ قرارداداقوام متحدہ کے سیکرٹری جنرل انتونیوگوتریز کی جانب سے مشرقی غوتہ میں جنگی سرگرمیاں روکنے سے متعلق بیان کے بعد پیش کی گئی ہے جس کامقصد باغیوں کے زیرقبضہ علاقے میں پھنسے شہریوں کونکالناہے۔