سینیٹ کے چیئرمین میاں رضا ربانی نے کہا ہے کہ اٹھارہویں ترمیم کی منسوخی کی کوئی بھی کوشش وفاق کیلئے تباہ کن ثابت ہوگی۔
انہوں نے اسلام آباد میں ایک سیمینار کی اختتامی تقریب سے خطاب کرتے ہوئے کہا کہ اگراٹھارہویں ترمیم پر عملدرآمد میں رکاوٹیں پیدا کرنے کیلئے مرکزیت کی ذہنیت جاری رہی تو وفاق کو مشکلات کا سامنا کرنا پڑے گا۔رضاربانی نے کہاکہ1973 کاآئین صوبائی خودمختاری اور صوبوں کو اپنے وسائل کامالک بنانے میں ایک اہم اقدام تھا۔