آزادجموں وکشمیرکے وزیراعظم سردارعبدالقیوم نیازی نے اقوام متحدہ اوراسلامی تعاون تنظیم پر زوردیاہے کہ وہ بھارت کے غیرقانونی زیرقبضہ جموں وکشمیرمیں بھارتی فورسز کی جانب سے انسانی حقوق کی سنگین خلاف ورزیوں کے بارے میں حقائق معلوم کرنے کے لئے اپنے تحقیقاتی مشنوں کومقبوضہ وادی میں بھجوائیں۔
انہوں نے ان خیالات کااظہارسعودی عرب کے لئے پاکستان کے سفیرلیفٹیننٹ جنرل ریٹائرڈ بلال اکبرسے جدہ میں ملاقات کے دوران کیا۔آزادجموںو کشمیرکے وزیراعظم نے کہاکہ بھارت مقبوضہ وادی میں جعلی فوجی مقابلوں کے ذریعے کشمیریوں کی نسل کشی میں ملوث ہے۔انہوں نے کہاکہ بھارت نے کشمیریوں کی آزادی کی تحریک کو کچلنے کے لئے غیرقانونی زیرقبضہ جموںکشمیرمیں کالے قوانین کانفاذکررکھاہے۔عبدالقیوم نیازی نے پاکستان خصوصاً وزیراعظم عمران خان کے کردارکوسراہا جنہوں نے بین الاقوامی فورموں پرمسئلہ کشمیرکوموثراندازمیں اجاگرکیا۔