منصوبہ بندی اور ترقی کے وزیر اسد عمر نے کہا ہے کہ پشاور شہر میں مثبت کورونا ٹیسٹ کا تناسب بڑھ گیا ہے۔ گزشتہ روز مثبت ٹیسٹوں کی تعداد بڑھ کر13.39 فیصد تک جاپہنچی تھی۔

انہوں نے ایک ٹویٹ میں کہا کہ شہرکے ہسپتالوں میں زیرعلاج کورونا کے مریضوں میں202 کی حالت تشویشناک ہے جن میں سے 50 آکسیجن کے کم بہائو پر ہیں۔

نہوں نے کہا کہ اس طرح134 مریض آکسیجن کے تیز بہائو پر ہیں جبکہ18 وینٹی لیٹر پر ہیں۔

اسد عمر نے کہا کہ گزشتہ روز شہر کے ہسپتالوں میں کورونا وباء کے 14 مزید تشویشناک مریض داخل کیے گئے تھے۔

انہوں نے کہا کہ اپوزیشن شہر میں عوامی اجتماعات منعقد کرکے سوائے لوگوں کی صحت کو خطرے میں ڈالنے کے اور کچھ نہیں کرسکتی۔