نیپال میں سکول کے نصاب میں اہم سٹرٹیجک علاقوں کا نظرثانی شدہ سیاسی نقشہ باقاعدہ طورپر شامل کردیا گیا ہے۔
کشمیر میڈیا سروس کے مطابق نویں اور بارہویں کلاسوں کی کتاب بعنوان نیپال کی ریاست اور سرحدی معاملات پر تدریسی مواد میں وزیر تعلیم Giriraj Mani Pokharel کا لکھا ہوا دیباچہ بھی موجود ہے۔
اس سے پہلے رواں سال جون میں نیپالی پارلیمنٹ نے اتفاق رائے سے ملک کے نئے نقشے کی منظوری دی تھی جس میں بھارت کی طرف سے دعویٰ کئے گئے Lipulekh، کالا پانی اور Limpiyadhura کے علاقوں کو شامل کیا گیا تھا۔