پاکستان نے مقبوضہ کشمیر میں انسانی حقوق کی خلاف ورزیوں کامسئلہ عالمی عدالت انصاف میں لے جانے کافیصلہ کیاہے۔وزیرخارجہ شاہ محمودقریشی نے ایک نجی نیوزچینل سے گفتگو کرتے ہوئے اس بات کی تصدیق کی کہ مسئلہ کشمیر کو عالمی عدالت انصاف میں لے جانے کااصولی فیصلہ کیاگیاہے۔انہوں نے کہاکہ بین الاقوامی عدالت انصاف میں جانے کافیصلہ تمام قانونی پہلوئوں کا جائزہ لینے کے بعد کیاگیاہے۔وزیرخارجہ نے کہاکہ معاملے سے متعلق اضافی معلومات وزارت قانون جاری کرے گی۔(این این آر، وہاج بشیر)