صحت کی پارلیمانی سیکرٹری ڈاکٹرنوشین حامد نے کہا ہے کہ حکومت ملک کی کورونا وائرس ٹیسٹ کرنے کی استعداد میں مزید اضافہ کیلئے کام کر رہی ہے۔ریڈیوپاکستان کے خبروں اور حالات حاضرہ چینل کے ساتھ گفتگو کرتے ہوئے انہوں نے کہا کہ یہ بدقسمتی ہے کہ پاکستان فنڈ اور وسائل کی کمی کے باعث کورونا وائرس کے بارے میں تحقیق کے حوالے سے پیچھے ہے۔نوشین حامد نے ان رکاوٹوں کے باوجود ملک میں کورونا وائرس کے ٹیسٹوں کے لئے تشخیصی کٹ اور وینٹی لیٹرز کی کامیابی سے تیاری کو سراہا۔پمز ہسپتال کے ترجمان ڈاکٹر وسیم خواجہ نے اپنے تاثرات میں کہا کہ وزیراعظم عمران خان نے صحیح کہاہے کہ کورونا وائرس کی وباء کی روک تھام کے لئے مشترکہ کوششوں کی ضرورت ہے۔