اوورسیز پاکستانیز کمیشن کے ایک وفد نے کمیشن کے نائب چیئرمین چودھری وسیم اختر کی سربراہی میں آج لاہور میں قومی احتسا ب بیورو کے ڈائریکٹر جنرل شہزاد وسیم سے ملاقات کی۔ انہوں نے مختلف شعبوں خصوصاً ہائوسنگ سوسائٹیز کے حوالے سے بیرون ملک مقیم پاکستانیوں کے مسائل سے متعلق امورپر تبادلہ خیال کیا۔ ڈائریکٹر جنرل نیب نے بیرون ملک مقیم پاکستانیوں کے مسائل کے حل کے لئے اپنے مکمل تعاون کا یقین دلایا۔ ملاقات کے دوران بیرون ملک مقیم پاکستانیوں کے مسائل حل کرنے کیلئے فوکل پرسن بھی تعینات کیا گیا۔