چین نے علاقائی روابط اوراقتصادی اور تجارتی تعاون کے فروغ کیلئے پاکستان کی علاقائی سیاست سے علاقائی معیشت کی طرف منتقلی کی حمایت جاری رکھنے کا عزم کیا ہے ۔اس عزم کا اظہار پاکستان میں چین کے سفیر NONG RONG نے جمعہ کے روز پاک چین سفارتی تعلقات کی سترویں سالگرہ کے موقع پر ریڈیو پاکستان کو ایک خصوصی انٹرویو میں کیا ۔انہوں نے کہاکہ دونوں ممالک کا ایک مشترکہ وژن ہے اوردونوں خطے کی بدلتی ہوئی صورتحال اور مشترکہ طورپر امن، ترقی اور خوشحالی کے تحفظ کیلئے پرعزم ہیں۔