ہنگامی امدادی ادارے کے چیئرمین لیفٹیننٹ جنرل محمد افضل کورونا وائرس کے تناظر میں بلوچستان کی ضروریات کاجائزہ لینے کیلئے آج اقوام متحدہ کے ایک وفد کے ہمراہ صوبے کا دورہ کررہے ہیں۔اقوام متحدہ کے ریذیڈنٹ کوآرڈی نیٹر اور کنٹری ڈائریکٹر بھی دورے میں ان کے ساتھ ہیں۔دورے کے دوران ، صوبائی حکام کو کورونا وائرس کے حوالے سے ہنگامی امدادی ادارے اور اقوام متحدہ کے کردار پر بریفنگ دی جائے گی ۔این ڈی ایم اے کے چیئرمین وفد کے ساتھ وزیراعلی بلوچستان ، چیف سیکرٹری اور سیکرٹری صحت اور ہنگامی امداد کے صوبائی ادارے کے ڈائریکٹر جنرل سے ملاقات بھی کریںگے۔