پاکستان بھارت کی طرف سے کشن گنگا پن بجلی منصوبے کے افتتاح کے معاملے پر عالمی بنک کے سامنے پیر کے روز اپنے تحفظات پیش کرے گا۔
پاکستان کاموقف ہے کہ ڈیم کی تعمیر پاکستان اوربھارت کے درمیان 1960کے سندھ طاس معاہدے کی خلاف ورزی ہے ۔
اس معاملے پر عالمی بنک کے حکام کے ساتھ بات چیت کیلئے پاکستان کاایک اعلیٰ سطح کا وفدواشنگٹن میں ہے۔
تین روزہ بات چیت کے دوران اہم نکات جن میں ڈیم کی اونچائی ،پانی ذخیرہ کرنے کی صلاحیت اور اس تنازع کے حل کیلئے پاکستان کے ایک ثالثی عدالت کے قیام کے مطالبے پر غور کیاجائیگا۔