دفاعی پیداوار کی وزیر زبیدہ جلال آج بلوچستان میں پاک ایران سرحد پر ضلع کیچ سے ملحقہ پشین مند کراسنگ پوائنٹ کا افتتاح کریں گی۔یہ سرحدی کراسنگ پوائنٹ علاقے کے عوام کیلئے روزگار کی فراہمی اور تجارتی سرگرمیوں کے فروغ کیلئے سنگِ میل ثابت ہوگا۔یہ پاکستان اور ایران کے درمیان تیسرا سرحدی کراسنگ پوائنٹ ہے۔ان سرحدی راہداریوں سے نہ صرف دونوں اسلامی ممالک کے درمیان تجارت میں اضافے میں مدد ملے گی بلکہ علاقے میں سیاحت کو بھی فروغ ملے گا۔