وزیر اعظم عمران خان نوشہرہ اور پشاور کا دورہ کررہے جہاں وہ ہائوسنگ سکیم کے افتتاح سمیت مختلف ترقیاتی منصوبوں کا سنگِ بنیاد رکھیں گے۔نوشہرہ کے دورے کے دوران وزیر اعظم نےکم آمدنی والے طبقے کیلئے جلوزئی ہائوسنگ سکیم کا افتتاح کیا۔وزیر اعظم پشاور درہ آدم خیل روڈ کی بہتری اور اپ گریڈیشن کے کام کا افتتاح کریں گے اور چترال بونی مستوج شندور روڈ کی بحالی اور اس کے توسیعی منصوبے کا سنگ بنیاد بھی رکھیں گے۔اپنے ایک روزہ دورے کے دوران عمران خان خیبر ٹیچنگ ہسپتال میں مریضوں کے علاج معالجے کیلئے تعمیر کئے گئے نئے بلاک کی افتتاحی تقریب میں شرکت کرینگے۔وہ پشاور کے علاقے حیات آباد میں جسمانی طور پر معذور افراد کے بحالی مرکز کا بھی دورہ کرینگے۔