تفتان سے سکھر لائے گئے مزید 15 زائرین میں کورونا کاٹیسٹ مثبت آنے کے بعد سندھ میں کورونا وائرس سے متاثرہ افراد کی تعداد دوسوسڑسٹھ ہوگئی ہے ۔سندھ حکومت کے ترجمان کے مطابق صوبے میں مجموعی طورپر کورونا کے 267 مصدقہ مریضوں میں سے صرف ایک کی کراچی میں ہلاکت ہوئی تین مریضوں کو مکمل طورپر صحت یاب ہونے کے بعد ہسپتال سے گھر بھیج دیاگیا ۔انہوں نے کہاکہ باقی 263 مریض آئیسولیشن مراکز میں زیرعلاج ہیں۔