سعودی عرب کے ولی عہد محمد بن سلمان چین کے دو روزہ سرکاری دورے پر بیجنگ پہنچ گئے ہیں۔ ولی عہد آج چین کے صدر شی جن پنگ سے ملاقات کریں گے اور چین کے نائب وزیراعظمHan Zheng کیساتھ چین سعودی عرب اعلیٰ سطح کی مشترکہ کمیٹی کے اجلاس کی صدارت بھی کریں گے۔ چین کی وزارت خارجہ کے ترجمان نے کہا ہے کہ اس دورے سے جامع دوطرفہ تذویراتی شراکت داری مزید مستحکم ہوگی اور ایک خطہ ایک سڑک منصوبے کے لائحہ عمل کے تحت مختلف شعبوں میں تعاون مزید مضبوط ہوگا۔