وزیر خزانہ اسد عمر نے کہا ہے کہ حکومت تاجر برادری کی فلاح و بہبود کیلئے ہرممکن اقدام کررہی ہے۔ آج اسلام آباد میں بزنس لیڈر کانفرنس سے خطاب کرتے ہوئے انہوں نے کہا کہ ملک میں نظم و نسق کا معیار بہتر بنانے کیلئے پیشہ ور افراد کی تربیت ناگزیر ہے۔وزیر خزانہ نے کہا پیشہ ورانہ افراد کومراعات فراہم کرکے ان کی صلاحیتوں کو بہتر انداز میںبروئے کار لایا جاسکتا ہے۔ انہوں نے کہا کہ سرکاری اور نجی شعبوں کے درمیان تعاون سے ہر شعبے کی کارکردگی بہتر ہورہی ہے۔ اس عمر نے کہا کہ پیشہ ورانہ تربیت اچھا نظم و نسق یقینی بنانے کیلئے انتہائی اہم ہے۔