کینیا کی بحریہ کے کمانڈر نے منگل کے روز اسلام آباد میں پاک بحریہ کے سربراہ ایڈمرل ظفر محمود عباسی سے ملاقات کی ۔
ملاقا ت میں بحری تعاون کے فروغ سمیت باہمی دلچسپی کے امور پر تبادلہ خیال کیا گیا۔
معزز مہمان کو علاقائی بحری سلامتی کی صورتحال اور مقبوضہ کشمیر کے بارے میں پاکستان کے موقف سے آگاہ کیاگیا۔
کینیا کی بحریہ کے کمانڈر نے Mombasa میں پاک بحریہ کی جانب سے طبی کیمپ کے قیام کو سراہا۔
معزز مہمان کو آمد پر سلامی پیش کی گئی ، انہوں نے یادگار شہدا پر پھول بھی چڑھائے۔
پاک بحریہ کے ترجمان کے مطابق کینیا کی بحریہ کے کمانڈر کے دورے سے دونوں ملکوں خصوصاً بحریہ کے درمیان دو طرفہ تعاون کوفروغ ملے گا۔
