پاکستان اور جنوبی افریقہ کے درمیان پانچ میچوں کی سیریز کا دوسرا ایک روزہ بین الاقوامی میچ کل ڈربن میں کھیلا جائے گا۔
میچ پاکستان کے معیاری وقت کے مطابق سہ پہر چار بجے شروع ہو گا۔
پاکستان کو سیریز میں ایک۔ صفر کی برتری حاصل ہے۔
آل راؤنڈر محمد حفیظ نے صحافیوں سے گفتگو کرتے ہوئے کہا ہے کہ وہ پہلے ایک روزہ بین الاقوامی میچ میں جنوبی افریقہ کودوسو چھیاسٹھ رنز پر محدود کرنے کے بعد وہ ہدف کے حصول کے لئے پرامید تھے۔
انہوں نے کم مجموعے پر جنوبی افریقہ کو محدود کرنے پر بولرز کی کوششوں کی تعریف کی۔
محمد حفیظ جنہیں ناقابل شکست 71رنز بنانے پر میچ کا بہترین کھلاڑی قرار دیا گیا نے کہا کہ امام الحق اور فخر زمان نے اچھی اوپننگ شراکت دے کر ہدف کے حصول کی بنیاد رکھی۔
یہ جنوبی افریقہ میں پروٹیز کے خلاف پاکستان کا سب سے بڑے ہدف کا حصول ہے۔