پاک بحریہ اگلے ماہ امن 19 مشق کی میزبانی کرے گی جس کا عنوان ہے‘‘امن کےلئے متحد’’

 پاکستان بحریہ کے مطابق مشق میں چالیس سے زائد ممالک حصہ لیں گے۔

 اس مشق کا مقصد بحری تعاون کو بڑھانا، علاقائی اورعالمی استحکام کے لئے محفوظ سمندری ماحول کو فروغ دینا اور سمندروں کومحفوظ بنانا ہے جو کہ انسانیت کا مشترکہ ورثہ ہے۔

 امن مشق ہر دو سال بعد ہونے والی کثیر ملکی بحری مشق ہے جو 2007 سے پاک بحریہ کی میزبانی میں منعقد ہوتی ہے جہاں دنیا کی بحری افواج حصہ لیتی ہیں اورمشترکہ طور پر امن کے فروغ کےلئے اپنے تجربات کا تبادلہ کرتی ہے۔