صحت کے معاون خصوصی ڈاکٹر فیصل سلطان نے کہا ہے کہ پاکستان میں کورونا کی ویکسینیشن2021ء کی پہلی سہ ماہی میں شروع ہونے کی توقع ہے۔ایک نجی نیور چینل سے بات چیت کرتے ہوئے انہوں نے کہا کہ حکومت دنیا کی سرکردہ چھ کمپنیوں کے ساتھ رابطے میں ہے جن میں چین اور روس کی کمپنیاں بھی شامل ہیں اور اپنے وسائل کو مدنظر رکھا گیا ہے۔انہوں نے اس امید کا اظہار کیا کہ اچھی قیمت اور معقول وقت کے اندر یہ ویکسین حاصل کی جائے۔وباء کی تازہ صورت حال پر تبصرہ کرتے ہوئے انہوں نے کہا کہ روزانہ دو ہزار سے زائد کیسز کا رپورٹ ہونا بالکل ہی خطرناک صورتحال ہے اور اس کیلئے ہنگامی اقدامات اٹھانا پڑیں گے کیونکہ کورونا کی دوسری لہر پہلی سے زیادہ مہلک ہو سکتی ہے۔