وزیردفاع پرویز خٹک نے کہا ہے کہ وزیراعظم عمران خان ملک کو فنانشل ایکشن ٹاسک فورس کی گرے لسٹ سے نکالنے کیلئے کوشاں ہیں۔
نوشہرہ میں ایک جلسے سے خطاب کرتے ہوئے انہوں نے اس امیدکااظہار کیا کہ ایف اے ٹی ایف اپنے آئندہ کے جائزہ اجلاس سے پاکستان کو گرے لسٹ سے نکال لے گا ۔پرویزخٹک نے کہاکہ دہشت گردی فنڈنگ اور منی لانڈرنگ پرسخت کریک ڈاؤن کرنے کے حوالے سے ایف اے ٹی ایف پاکستان کی کوششوں سے مطمئن ہے ۔قومی معاملات پرتبصرہ کرتے ہوئے انہوں نے کہاکہ وزیراعظم عمران خان حزب اختلاف کے ساتھ سوائے بدعنوانی کے کسی بھی ایشو پر بات چیت کیلئے تیار ہے ۔