وزیراعظم عمران خان اورسعودی فرمانرواخادم الحرمین الشریفین شاہ سلمان بن عبدالعزیز نے سعودی عرب میں ملاقات کی جس میں دوطرفہ تعلقات اورعلاقائی اورعالمی سیاسی صورتحال پر تبادلہ خیال کیاگیا۔
وزیراعظم کے دفترکے ایک بیان کے مطابق انہوں نے دوطرفہ تعاون کومزیدوسعت دینے کی خواہش کااظہارکیا۔
ملاقات کے دوران باہمی دلچسپی کے امور ،تجارت، سرمایہ کاری اوراقتصادی تعلقات پربھی بات چیت کی گئی۔
وزیراعظم نے ملاقات کے دوران سعودی فرمانروا کومقبوضہ کشمیرکی حالیہ صورتحال کے بارے میں بتایا۔
سعودی فرمانرواشاہ سلمان بن عبدالعزیز نے مسئلہ کشمیرپرپاکستان کی مکمل حمایت اوراس کے ساتھ یکجہتی کااعادہ کیا۔
وزیراعظم نے ،جوسعودی عرب کے دورزہ سرکاری دورے پر ہیں سعودی تیل تنصیبات پر حملے کی بھی مذمت کی۔
انہوں نے حرمین شریفین کے تحفظ اورتقدس کودرپیش کسی خطرے کی صورت میں سعودی عرب کے شانہ بشانہ کھڑے رہنے کااعادہ کیا۔