صدر ڈاکٹر عارف علوی نے کہا ہے کہ ابتدائی طبی امداد قیمتی انسانی جانوں کو بچانے میں اہم کردارا دا کرتی ہے اور انجمن ہلال احمر پاکستان اس سلسلے میں شاندار خدمات انجام دے رہی ہے۔آج ایوان صدر اسلام آباد میں انجمن ہلال احمر پاکستان کی بریفنگ کے دوران انہوں نے اس بات پرزور دیا کہ انجمن کو پاکستان کی صف اول کی انسانی امدادی تنظیم ہونے کے ناطے جس کی دنیا بھرکی تنظیموں کے ساتھ شراکت داری ہے ملک میں اسی طرح کی نجی شعبے کی تنظیموں کے ساتھ روابط استوار کرنے میں کلیدی کردار ادا کرنا چاہیے۔انہوں نے کہا کہ انجمن ہلال احمر کو بھی رضاکاروں اور کارکنوںکی استعداد کار میں اضافے کیلئے صوبائی حکومتوں اور صوبوں کی دیگر متعلقہ تنظیموں کے ساتھ رابطے میں رہنا چاہیے۔انہوں نے کہا کہ اس وقت صرف دو فیصد پاکستانی خون کا عطیہ دیتے ہیں اور مساجد سمیت مختلف دستیاب فورمز کے ذریعے اس سلسلے میں لوگوں کو راغب کرنے کی ضرورت ہے۔
این این آر /نصیرقریشی