خیبرپختونخوا کے وزیراعلیٰ محمود خان نے عوام کو ہدایت کی ہے کہ وہ احتیاطی تدابیر اختیار کریں کیونکہ کورونا وائرس کی چوتھی لہر خطرناک ہو سکتی ہے۔

انہوں نے منگل کے روز پشاور میں بغیر پروٹوکول کے ڈرائیونگ کر کے ٹریفک اور صفائی ستھرائی کی صورتحال کا جائزہ لیتے ہوئے عوام سے وبا کے تناظر میں اتیاطی تدابیر اختیار کرنے کی اپیل کی۔

وزیراعلیٰ نے عوام پر زور دیا کہ عیدالاضحی کے دوران اپنے ماحول کو صاف ستھرا رکھیں۔

انہوں نے مویشی منڈیوں میں کئے گئے انتظامات اور شہر بھر میں مجموعی طور پر کئے گئے سکیورٹی انتظامات کا بھی جائزہ لیا۔