Wednesday, 16 October 2019, 07:03:51 am
قبائلی اضلاع میں صوبائی اسمبلی کےانتخابات میں پوسٹل بیلٹ کیلئےدرخواستوں کی وصولی کیلئے5جولائی حتمی تاریخ مقرر
June 20, 2019

الیکشن کمیشن نے خیبرپختونخوا میں ضم ہونے والے قبائلی اضلاع میں صوبائی اسمبلی کے انتخابات میں پوسٹل بیلٹ کیلئے درخواستوں کی وصولی کیلئے پانچ جولائی کی حتمی تاریخ مقرر کی ہے۔یہ سہولت ان سرکاری ملازمین، مسلح افواج کے ارکان، سرکاری عہدیداروں، ان کی بیویوں اور بچوں کیلئے فراہم کی گئی ہے جو اپنے حلقہ انتخاب کی بجائے دوسری مقامات پر تعینات ہیں۔انتخابی عملہ اور پولیس اہلکار،جواپنےانتخابی حلقے میں جہاں ان کے ووٹ کا اندراج ہے ، کی بجائے دوسرے پولنگ اسٹیشنوں پر تعینات کئے گئے ہیں، کے لئے اپنا ووٹ کاسٹ کرنے کی حتمی تاریخ بارہ جولائی مقرر کی گئی ہے۔ پوسٹل بیلٹ کیلئے درخواست مطلوبہ فارم پر حلقے کے متعلقہ ریٹرننگ افسر کے پاس جمع کرائی جاسکتی ہے۔