خیبرپختونخوا کے وزیراعلی کے اطلاعات کے بارے میں مشیر اجمل وزیر نے کہا ہے کہ حکومت عیدالفطر کے موقع پر کورونا وائرس سے متعلق احتیاطی تدابیر پرعملدرآمد کرائے گی ۔
آج تیسرے پہر پشاور میں صحافیوں کو بریفنگ دیتے ہوئے انہوں نے کہاکہ سپریم کورٹ کے احکامات کے تحت حکومت نے عید کے ایام کے دوران ریٹیلرز کی دکانیں کھلی رکھنے کا فیصلہ کیا ہے ۔اجمل وزیر نے کہاکہ حکومت کی جانب سے اس حوالے سے ایک نوٹی فیکیشن بھی جاری کیاگیا ہے۔
